წესები და პირობები

1. ზოგადი დებულებები

1.1. წინამდებარე წესები და პირობები (შემდგომში — „წესები“) წარმოადგენს სავალდებულო შეთანხმებას მომხმარებელსა და MyBakuriani-ს (შემდგომში — „MyBakuriani“, „პლატფორმა“ ან „ჩვენ“) შორის. 1.2. MyBakuriani წარმოადგენს საინფორმაციო-ტექნოლოგიურ ვებ-პორტალსა და ციფრულ პლატფორმას, რომელიც მომხმარებლებს აძლევს შესაძლებლობას მოძებნონ, განათავსონ და გაავრცელონ ინფორმაცია უძრავი ქონების, დასვენების, განთავსების, ტრანსპორტის, მომსახურებების, დასაქმების, კვების, გართობისა და სხვა შეთავაზებების შესახებ და დაუკავშირდნენ შესაბამის განცხადების ავტორებს. 1.3. MyBakuriani ხელმისაწვდომია, მათ შორის, შემდეგი დომენური მისამართებით: mybakuriani.ge, mybakuriani.com.ge და mybakuriani.com. აღნიშნული დომენები წარმოადგენს ერთი და იმავე პლატფორმის ალტერნატიულ მისამართებს და არ ქმნის ცალკე იურიდიულ პირს ან დამოუკიდებელ მომსახურებას. 1.4. პლატფორმაზე ანგარიშის შექმნით, ავტორიზაციით, განცხადების განთავსებით ან პლატფორმის ნებისმიერი მომსახურებით სარგებლობით მომხმარებელი ადასტურებს, რომ გაეცნო წესებს და ეთანხმება მათ. 1.5. მომხმარებლებს შორის დადებული ნასყიდობის, ქირავნობის, მომსახურების, ჯავშნის ან სხვა გარიგების პირობებს წინამდებარე წესები არ განსაზღვრავს. ასეთი ურთიერთობები წარმოიშობა უშუალოდ შესაბამის მხარეებს შორის.

2. პლატფორმის მფლობელი და საკონტაქტო ინფორმაცია

2.1. პლატფორმის მფლობელი და მომსახურების მიმწოდებელია: ინდივიდუალური მეწარმე ლუკა მათიაშვილი.

• საიდენტიფიკაციო ნომერი: 01008060403
• იურიდიული მისამართი: ქ. თბილისი, ხომლის ქ. №11გ
• ელექტრონული ფოსტა: [email protected]

3. ტერმინთა განმარტებები

3.1. „პლატფორმა“ — MyBakuriani და მასთან დაკავშირებული ციფრული სერვისები. 3.2. „მომხმარებელი“ — ნებისმიერი ფიზიკური ან იურიდიული პირი, რომელიც იყენებს პლატფორმას. 3.3. „ანგარიში“ — მომხმარებლის მიერ პლატფორმაზე შექმნილი პირადი ან ბიზნეს-პროფილი. 3.4. „განცხადების ავტორი“ — მომხმარებელი, რომელიც პლატფორმაზე ათავსებს განცხადებას საკუთარი ან შესაბამისი უფლებამოსილების საფუძველზე. 3.5. „მაძიებელი“ — მომხმარებელი, რომელიც პლატფორმაზე ეძებს ქონებას, მომსახურებას, დასაქმებას ან სხვა შეთავაზებას. 3.6. „Smart Match“ — პლატფორმის ავტომატიზებული ფუნქცია, რომელიც შეიძლება აკავშირებდეს მომხმარებელს შესაბამის განცხადების ავტორთან. 3.7. „Wallet“ — პლატფორმის შიდა ბალანსი ფასიანი მომსახურებების შესაძენად. 3.8. „კრედიტი“ — პლატფორმის შიდა პირობითი ერთეული კონკრეტული ციფრული მომსახურებებისთვის. 3.9. „ფასიანი მომსახურება“ — პლატფორმის მიერ საფასურის სანაცვლოდ შეთავაზებული ციფრული, საინფორმაციო, სარეკლამო, განცხადების განთავსების ან სხვა პლატფორმული მომსახურება.

4. ანგარიში და მომხმარებლის სტატუსი

4.1. მომხმარებელი ვალდებულია ანგარიშის შექმნისას მიუთითოს ზუსტი ინფორმაცია და შეინარჩუნოს მისი აქტუალურობა. 4.2. პლატფორმის კომერციული მომსახურებებით სარგებლობა შეუძლიათ სრულწლოვან და ქმედუნარიან პირებს, გარდა კანონით ან კონკრეტული მომსახურების პირობებით გათვალისწინებული შემთხვევებისა. 4.3. მომხმარებელი პასუხისმგებელია საკუთარი პაროლის, OTP კოდის და სხვა ავტორიზაციის საშუალებების უსაფრთხოებაზე. 4.4. მომხმარებლის ანგარიშიდან განხორციელებული მოქმედებები, როგორც წესი, მიიჩნევა შესაბამისი მომხმარებლის მიერ განხორციელებულ მოქმედებად. 4.5. უსაფრთხოების, თაღლითობის პრევენციის ან წესების დარღვევის საფუძვლიანი ეჭვის შემთხვევაში პლატფორმა უფლებამოსილია დროებით შეზღუდოს ანგარიში და მოითხოვოს დამატებითი ინფორმაცია ან დოკუმენტები.

5. პლატფორმის სტატუსი და პასუხისმგებლობის გამიჯვნა

5.1. MyBakuriani არის საინფორმაციო-ტექნოლოგიური პლატფორმა და ვებ-პორტალი, რომელიც უზრუნველყოფს განცხადებების განთავსების, მოძიების, ინფორმაციის გაცვლისა და მომხმარებლებს შორის კომუნიკაციის ტექნოლოგიურ შესაძლებლობას. 5.2. MyBakuriani არ წარმოადგენს უძრავი ქონების სააგენტოს, ბროკერს, ტურისტულ სააგენტოს, ქონების მესაკუთრეს ან გამქირავებელს, ქონების გამყიდველს ან მყიდველს, ან განცხადებაში მითითებული მომსახურების მიმწოდებელს, გარდა იმ შემთხვევისა, როდესაც კონკრეტული მომსახურება პირდაპირ არის იდენტიფიცირებული, როგორც MyBakuriani-ის საკუთარი მომსახურება. 5.3. განცხადების განთავსება არ ნიშნავს MyBakuriani-ის მიერ შესაბამისი ქონების, პროდუქტის ან მომსახურების მოწონებას ან გარანტირებას. 5.4. ფასი, ხელმისაწვდომობა და გარიგების პირობები განისაზღვრება უშუალოდ განცხადების ავტორსა და მომხმარებელს შორის. 5.5. MyBakuriani არ არის მომხმარებლებს შორის გარიგების მხარე და კანონით დასაშვებ ფარგლებში არ აგებს პასუხს განცხადების ავტორის ვალდებულებების შეუსრულებლობაზე, ქონების მდგომარეობაზე, განცხადების სიზუსტეზე, ფასზე, ხელმისაწვდომობაზე, ჯავშნის გაუქმებაზე, მესამე პირის ქმედებებზე ან მომხმარებლებს შორის კერძო დავაზე. 5.6. ეს გამიჯვნა არ გამორიცხავს იმ პასუხისმგებლობას, რომლის გამორიცხვა ან შეზღუდვა კანონით დაუშვებელია.

6. ფინანსური მოდელი, ტარიფები და სპეციალური პირობები

6.1. MyBakuriani უფლებამოსილია მომხმარებლებს შესთავაზოს როგორც უფასო, ისე ფასიანი ციფრული, საინფორმაციო, სარეკლამო და პლატფორმასთან დაკავშირებული მომსახურებები. 6.2. ფასიანი მომსახურება შეიძლება მოიცავდეს უძრავი ქონების გაქირავების ან გაყიდვის, სასტუმროს, ტრანსპორტის, კვების, სხვადასხვა სერვისის, დასაქმების, გართობისა და სხვა კატეგორიის განცხადებების განთავსებას, ასევე VIP, Featured, Boost, სარეკლამო, Developer და სხვა მომსახურებებს. 6.3. კონკრეტული მომსახურების საფასური, მოქმედების ვადა, მოცულობა და ფუნქციები განისაზღვრება შესაბამისი ტარიფით ან შეთავაზებით და მომხმარებელს მიეწოდება მომსახურების შეძენამდე. 6.4. სხვადასხვა კატეგორიის განცხადებას ან მომსახურებას შეიძლება ჰქონდეს განსხვავებული ფასი, ვადა და პირობები. 6.5. MyBakuriani უფლებამოსილია კონკრეტულ მომხმარებელს, განცხადებას ან ობიექტს მიანიჭოს სპეციალური ტარიფი, ფასდაკლება ან სხვა ბენეფიტი. 6.6. სპეციალური ტარიფის ან ბენეფიტის საფუძველი შეიძლება იყოს ლოიალობა, პარტნიორობა, აქცია, ტესტირების პროგრამა, ადრეული მომხმარებლის სტატუსი ან ადმინისტრაციის მიერ განსაზღვრული სხვა კრიტერიუმი. 6.7. MyBakuriani უფლებამოსილია ტესტირების, განვითარების, მარკეტინგული, პარტნიორული, ლოიალობის ან სხვა სპეციალური პროგრამის ფარგლებში კონკრეტულ მომხმარებელს ან განცხადებას შესთავაზოს მომსახურება უფასოდ. 6.8. ტესტირების პროგრამის ფარგლებში უფასო მომსახურების პერიოდი თითოეული მომხმარებლისთვის არ შეიძლება აღემატებოდეს 12 (თორმეტ) თვეს. 6.9. უფასო მომსახურების კონკრეტულ ვადას, მონაწილეთა რაოდენობას, კრიტერიუმებს, მოცულობასა და სხვა პირობებს განსაზღვრავს MyBakuriani-ის ადმინისტრაცია. 6.10. სხვადასხვა მომხმარებლისთვის ან განცხადებისთვის ადმინისტრაციას შეუძლია განსაზღვროს განსხვავებული უფასო ან შეღავათიანი პირობები. 6.11. უფასო ან შეღავათიანი მომსახურება არ ქმნის მომავალში იმავე პირობებით მომსახურების მიღების გარანტიას. 6.12. ერთი ობიექტისთვის მინიჭებული ფასდაკლება, უფასო განთავსება ან სხვა ბენეფიტი ავტომატურად არ ვრცელდება მომხმარებლის სხვა ობიექტებზე, თუ კონკრეტული შეთავაზებით სხვა რამ არ არის განსაზღვრული. 6.13. MyBakuriani-ისთვის გადახდილი თანხა წარმოადგენს შესაბამისი პლატფორმული, ციფრული, საინფორმაციო ან სარეკლამო მომსახურების საფასურს და არ წარმოადგენს განცხადებაში მითითებული ქონების ნასყიდობის, ქირავნობის ან სხვა გარიგების თანხას. 6.14. მომხმარებლებს შორის ქონების, საქონლის ან მომსახურების ღირებულების ანგარიშსწორებას MyBakuriani არ ახორციელებს, გარდა იმ შემთხვევისა, როდესაც კონკრეტული ფუნქცია პირდაპირ არის განსაზღვრული როგორც MyBakuriani-ის საკუთარი გადახდის/ანგარიშსწორების მომსახურება.

7. განცხადებების განთავსება და განცხადების ავტორის პასუხისმგებლობა

7.1. განცხადების ავტორი პასუხისმგებელია მის მიერ განთავსებული ინფორმაციის სიზუსტეზე, კანონიერებაზე, აქტუალურობაზე და მესამე პირთა უფლებების დაცვაზე. 7.2. განცხადების ავტორი ადასტურებს, რომ აქვს შესაბამისი ქონების, პროდუქტის ან მომსახურების შეთავაზების ან განცხადების განთავსების უფლება. 7.3. პლატფორმაზე განთავსებული ინფორმაცია უნდა შეესაბამებოდეს მოქმედ კანონმდებლობასა და წესებს. 7.4. აკრძალულია წესების გვერდის ავლის მიზნით შეზღუდულ ველებში ტელეფონის ნომრების, გარე საკონტაქტო ბმულების, WhatsApp/Viber/Telegram-ის მონაცემების ან ფასის მანიპულაციური ინფორმაციის გამოყენება. 7.5. პლატფორმას უფლება აქვს, განცხადების ავტორისგან მოითხოვოს საკუთრების, სარგებლობის, გაქირავების, წარმომადგენლობის ან სხვა შესაბამისი უფლებამოსილების დამადასტურებელი დოკუმენტი, მათ შორის უძრავი ქონების გაქირავების ან გაყიდვის განცხადების განთავსებისას. განცხადების ავტორი ვალდებულია მოთხოვნის შემთხვევაში წარადგინოს შესაბამისი დოკუმენტი პლატფორმის მიერ განსაზღვრული წესით. 7.6. პლატფორმის მოდერაციის პროცესში, თუ გამოვლინდა ან არსებობს გონივრული ეჭვი, რომ განცხადებაში მითითებული ინფორმაცია, ფოტო, ვიდეო ან სხვა მასალა არის მცდარი, ყალბი, შეცდომაში შემყვანი, მოძველებული, სხვის ქონებას/ობიექტს ასახავს, არღვევს მესამე პირის უფლებებს ან არ შეესაბამება განცხადების ავტორის უფლებამოსილებას, პლატფორმას უფლება აქვს არ დაადასტუროს ვერიფიკაცია, არ გამოაქვეყნოს, დროებით შეაჩეროს, შეზღუდოს, დაარედაქტიროს ტექნიკური წესების ფარგლებში ან წაშალოს შესაბამისი განცხადება. 7.7. მოთხოვნილი დოკუმენტის ან ინფორმაციის წარუდგენლობა, არასაკმარისი ან ურთიერთშეუსაბამო დოკუმენტაციის წარმოდგენა, აგრეთვე მოდერაციისთვის საჭირო ინფორმაციის დადასტურების შეუძლებლობა შეიძლება გახდეს განცხადების ვერიფიკაციაზე უარის, განცხადების შეჩერების ან წაშლის საფუძველი. 7.8. მოდერაციის ან ვერიფიკაციის განხორციელება არ ნიშნავს, რომ პლატფორმა იღებს ვალდებულებას ყველა განცხადების, ფოტოს, ინფორმაციის ან დოკუმენტის სრულყოფილ იურიდიულ შემოწმებაზე და არ წარმოადგენს განცხადების ავტორის, ქონების ან შეთავაზების აბსოლუტურ გარანტიას.

8. ვერიფიკაცია და ვერიფიცირებული სტატუსი

8.1. პლატფორმამ შეიძლება გამოიყენოს მომხმარებლის, განცხადების ან დოკუმენტების ვერიფიკაციის პროცედურები. 8.2. „ვერიფიცირებული“ სტატუსი ნიშნავს მხოლოდ იმ კონკრეტული ინფორმაციის ან დოკუმენტის შემოწმებას, რომლის საფუძველზეც სტატუსი მიენიჭა. 8.3. ვერიფიცირებული სტატუსი არ წარმოადგენს ქონების სამართლებრივი სისუფთავის, საკუთრების, ვალდებულებების არარსებობის, ფიზიკური მდგომარეობის, ფასის, ინფორმაციის სრული სიზუსტის ან გარიგების წარმატების გარანტიას. 8.4. პლატფორმას უფლება აქვს ვერიფიკაციისთვის მოითხოვოს პირადობის, საკუთრების, საკადასტრო ან სხვა შესაბამისი დოკუმენტები. 8.5. ვერიფიკაციისთვის მიღებული დოკუმენტები დამუშავდება MyBakuriani-ის კონფიდენციალურობის პოლიტიკის შესაბამისად.

9. კონტენტი და ინტელექტუალური საკუთრება

9.1. მომხმარებელი ინარჩუნებს მის მიერ კანონიერად ატვირთულ ფოტოებზე, ვიდეოებზე, ტექსტებზე და სხვა მასალებზე არსებულ უფლებებს. 9.2. კონტენტის ატვირთვით მომხმარებელი MyBakuriani-ს ანიჭებს არაექსკლუზიურ უფლებას გამოიყენოს შესაბამისი მასალა პლატფორმის ფუნქციონირების, განცხადების გავრცელების, მარკეტინგისა და რეკლამის მიზნებისთვის. 9.3. მომხმარებელი ადასტურებს, რომ აქვს შესაბამისი კონტენტის გამოყენებისა და პლატფორმაზე განთავსების უფლება. 9.4. აკრძალულია მესამე პირის საავტორო, სასაქონლო ნიშნის, პირადი ცხოვრების ან სხვა უფლებების დამრღვევი კონტენტის განთავსება.

10. მოდერაცია, წაშლა და ანგარიშის შეზღუდვა

10.1. MyBakuriani უფლებამოსილია შეაჩეროს, დამალოს ან წაშალოს განცხადება, შეზღუდოს ანგარიშის ფუნქციონირება ან დაბლოკოს ანგარიში, თუ არსებობს გონივრული საფუძველი, რომ კონტენტი ან ქმედება არღვევს კანონმდებლობას, წესებს, მესამე პირის უფლებებს ან უსაფრთხოების წესებს. 10.2. საჭიროების შემთხვევაში პლატფორმა უფლებამოსილია მოითხოვოს განმარტება, ინფორმაცია ან დოკუმენტი. 10.3. პლატფორმა უფლებამოსილია დაუყოვნებლივ შეზღუდოს კონტენტი ან ანგარიში უსაფრთხოების დასაცავად. 10.4. თანხის დაბრუნება განისაზღვრება შესაბამისი მომსახურების პირობებით, Refund Policy-ით და მოქმედი კანონმდებლობით.

11. ელექტრონული კომერცია, შეკვეთა, შეტყობინება და რეაგირება

11.1. „ელექტრონული კომერციის შესახებ“ საქართველოს კანონით გათვალისწინებული შესაბამისი პირობების არსებობის შემთხვევაში MyBakuriani კონკრეტულ ფუნქციებთან მიმართებით მოქმედებს იმ სამართლებრივი სტატუსითა და მოცულობით, რომელსაც კონკრეტული მომსახურება ფაქტობრივად აკმაყოფილებს. 11.2. პლატფორმა არ ახორციელებს მომხმარებლების მიერ ატვირთული მთელი ინფორმაციის ზოგად წინასწარ მონიტორინგს, თუმცა უფლებამოსილია განახორციელოს მოდერაცია, შემოწმება და რეაგირება. 11.3. ფასიანი მომსახურების შეძენისას მომხმარებელს, კანონით გათვალისწინებულ ფარგლებში, წინასწარ მიეწოდება მომსახურების არსებითი პირობები, მათ შორის ფასი, მოქმედების ვადა, მოცულობა და შესაბამისი დაბრუნების პირობები. 11.4. თუ მომხმარებელი ითხოვს ციფრული მომსახურების დაუყოვნებლივ დაწყებას, იგი შესაბამისი შეკვეთის/გადახდის პროცესში წინასწარ ადასტურებს აღნიშნულ მოთხოვნას და, კანონით გათვალისწინებულ შემთხვევაში, აცნობიერებს, რომ მომსახურების სრულად შესრულების შემდეგ შესაძლოა აღარ ჰქონდეს ხელშეკრულებაზე უარის თქმისა და თანხის დაბრუნების კანონით გათვალისწინებული 14-დღიანი უფლება. 11.5. უკანონო კონტენტის, უფლებების დარღვევის ან სხვა სამართლებრივი დარღვევის შესახებ შეტყობინება შეიძლება გაიგზავნოს: [email protected] 11.6. შეტყობინება სასურველია შეიცავდეს სადავო განცხადების იდენტიფიცირების შესაძლებლობას, დარღვევის აღწერას და მომჩივნის საკონტაქტო ინფორმაციას. 11.7. შეტყობინების მიღების შემდეგ MyBakuriani უფლებამოსილია მოითხოვოს დამატებითი ინფორმაცია, დროებით შეზღუდოს კონტენტი ან მიიღოს სხვა შესაბამისი ზომა.

12. Wallet, კრედიტები და გადახდები

12.1. MyBakuriani-მ შეიძლება მომხმარებელს შესთავაზოს Wallet-ის გამოყენება ფასიანი მომსახურებების შესაძენად. 12.2. Wallet-ის შევსება შეიძლება განხორციელდეს პლატფორმაზე ხელმისაწვდომი გადახდის მეთოდებით. 12.3. Wallet წარმოადგენს მხოლოდ პლატფორმის მომსახურებების გამოყენებისთვის განკუთვნილ შიდა ბალანსს და არ წარმოადგენს საბანკო ანგარიშს. 12.4. კრედიტები წარმოადგენს პლატფორმის შიდა პირობით ერთეულებს და არ წარმოადგენს საბანკო ანგარიშს, დეპოზიტს ან ელექტრონულ ფულს, გარდა კანონით სხვაგვარად რეგულირებული შემთხვევებისა. 12.5. კრედიტების სხვა მომხმარებელზე გადაცემა ან ფულად ერთეულში გაცვლა დაუშვებელია, თუ მომსახურების პირობებით ან კანონით სხვა რამ არ არის გათვალისწინებული. 12.6. უკვე შეძენილი პაკეტის პირობები არ შეიცვლება მომხმარებლის საზიანოდ მხოლოდ ახალი ტარიფის გამოქვეყნების გამო, გარდა კანონით ან კონკრეტული მომსახურების პირობებით გათვალისწინებული შემთხვევებისა. 12.7. პლატფორმაზე ბარათით გადახდებს (Wallet-ის შევსება, მათ შორის მომსახურების შეძენისას დაკლებული თანხის შევსება) ამუშავებს გადახდის მომსახურების პროვაიდერი Keepz (keepz.me). მომხმარებელი ბარათის მონაცემებს შეიყვანს Keepz-ის დაცულ გადახდის გვერდზე; MyBakuriani არ იღებს და არ ინახავს ბარათის ნომერს ან ბარათის სხვა მონაცემებს. 12.8. Wallet-ზე ირიცხება ფაქტობრივად გადახდილი თანხა და მხოლოდ მას შემდეგ, რაც Keepz დაადასტურებს გადახდას. 12.9. ბარათით გადახდილი თანხის დაბრუნება ხორციელდება Keepz-ის მეშვეობით იმავე ბარათზე, რომლითაც განხორციელდა გადახდა, ხოლო დაბრუნებული თანხა ჩამოიჭრება Wallet-იდან. თანხის დაბრუნების პირობები განსაზღვრულია მე-13 მუხლით.

13. თანხის დაბრუნება და მომხმარებლის კანონით გათვალისწინებული უფლებები

13.1. თანხის დაბრუნების კონკრეტული პირობები განისაზღვრება MyBakuriani-ის Refund Policy-ით, კონკრეტული მომსახურების პირობებითა და მოქმედი კანონმდებლობით. 13.2. სხვადასხვა მომსახურებისთვის შეიძლება არსებობდეს განსხვავებული დაბრუნების წესი. 13.3. მომხმარებელს მომსახურების შეძენამდე უნდა ჰქონდეს შესაძლებლობა გაეცნოს შესაბამის ფასს, პირობებსა და, სადაც საჭიროა, დაბრუნების წესს. 13.4. უკვე სრულად ან ნაწილობრივ გაწეული მომსახურების თანხის დაბრუნება განისაზღვრება შესაბამისი პირობებითა და მოქმედი კანონმდებლობით. 13.5. თუ მომხმარებელი ითხოვს ციფრული მომსახურების დაუყოვნებლივ დაწყებას, იგი შესაბამისი შეკვეთის/გადახდის პროცესში წინასწარ ადასტურებს აღნიშნულ მოთხოვნას და, კანონით გათვალისწინებულ შემთხვევაში, აცნობიერებს, რომ მომსახურების სრულად შესრულების შემდეგ შესაძლოა აღარ ჰქონდეს ხელშეკრულებაზე უარის თქმისა და თანხის დაბრუნების კანონით გათვალისწინებული 14-დღიანი უფლება. 13.6. წინამდებარე წესების არც ერთი დებულება არ ზღუდავს მომხმარებლის იმ სავალდებულო უფლებებს, რომელთა შეზღუდვა ან გამორიცხვა მოქმედი კანონმდებლობით დაუშვებელია.

14. საგადასახადო საკითხები

14.1. MyBakuriani არ წარმოადგენს მომხმარებლების საგადასახადო აგენტს, გარდა კანონით გათვალისწინებული შემთხვევისა. 14.2. განცხადების ავტორი თავად არის პასუხისმგებელი მის მიერ მიღებული შემოსავლის დეკლარირებასა და შესაბამისი საგადასახადო ვალდებულებების შესრულებაზე. 14.3. MyBakuriani-ისთვის გადახდილი თანხა წარმოადგენს შესაბამისი პლატფორმული, ტექნოლოგიური, საინფორმაციო, სარეკლამო ან სხვა მომსახურების საფასურს და არ წარმოადგენს განცხადების ავტორის ქონების ნასყიდობის, ქირავნობის ან სხვა გარიგების ფასს. 14.4. MyBakuriani-ის საქმიანობა და მის მიერ გაწეული მომსახურება განისაზღვრება მისი ფაქტობრივი საქმიანობისა და მოქმედი კანონმდებლობის შესაბამისად. 14.5. MyBakuriani არ იღებს მომხმარებლებს შორის ქონების ან მომსახურების გარიგების თანხას, გარდა საკუთარი გადახდის/ანგარიშსწორების ფუნქციით პირდაპირ განსაზღვრული შემთხვევისა. 14.6. გადახდის, დაჯავშნის, თანხის მიღების ან ანგარიშსწორების მოდელის ცვლილების შემთხვევაში შესაბამისი სამართლებრივი, საგადასახადო და სახელშეკრულებო პირობები საჭიროებისამებრ განახლდება.

15. Smart Match, AI და ავტომატიზებული ფუნქციები

15.1. პლატფორმამ შეიძლება გამოიყენოს ალგორითმები, ხელოვნური ინტელექტი და ავტომატიზებული სისტემები ძიების, რეკომენდაციის, Smart Match-ის, ტექსტის გენერირების, ანალიზისა და სხვა ფუნქციებისთვის. 15.2. ასეთი სისტემების შედეგი წარმოადგენს მხოლოდ ტექნოლოგიურ რეკომენდაციას და არ წარმოადგენს შესაბამისობის გარანტიას. 15.3. მომხმარებელმა მნიშვნელოვანი გადაწყვეტილების მიღებამდე დამოუკიდებლად უნდა გადაამოწმოს მისთვის მნიშვნელოვანი ინფორმაცია და, საჭიროების შემთხვევაში, უშუალოდ დაუკავშირდეს განცხადების ავტორს.

16. შეფასებები და რეიტინგები

16.1. პლატფორმამ შეიძლება გამოიყენოს შეფასებისა და რეიტინგების სისტემა. 16.2. პლატფორმა უფლებამოსილია წაშალოს ან არ გამოაქვეყნოს შეურაცხმყოფელი, უკანონო, ყალბი, მანიპულაციური ან მესამე პირის უფლებების დამრღვევი შეფასება. 16.3. ყალბი შეფასებების ორგანიზება ან რეიტინგების ხელოვნური მანიპულაცია აკრძალულია და შეიძლება გამოიწვიოს შეფასების წაშლა, განცხადების შეზღუდვა ან ანგარიშის დაბლოკვა.

17. მომხმარებელთა საჩივრები და დავები

17.1. მომხმარებელს შეუძლია პლატფორმას მიმართოს საჩივრით: [email protected] 17.2. პლატფორმა განიხილავს მის მომსახურებას, ანგარიშს, განცხადების მოდერაციას, ტექნიკურ ფუნქციონირებას ან წესების შესაძლო დარღვევას დაკავშირებულ საკითხებს. 17.3. MyBakuriani არ წარმოადგენს მომხმარებლებს შორის კერძო სამართლებრივი დავის მხარეს, გარდა კანონით პირდაპირ გათვალისწინებული შემთხვევებისა. 17.4. მომხმარებლებს შორის გარიგების პირობებთან, გადახდასთან, ქონების მდგომარეობასთან ან მომსახურების ხარისხთან დაკავშირებული დავა, პირველ რიგში, უნდა გადაწყდეს შესაბამის მხარეებს შორის. 17.5. ეს არ ზღუდავს მომხმარებლის კანონით მინიჭებულ უფლებას მიმართოს შესაბამის სახელმწიფო ორგანოს, სასამართლოს, მედიაციას ან სხვა კანონით დაშვებულ მექანიზმს.

18. პასუხისმგებლობის შეზღუდვა

18.1. პლატფორმა ცდილობს უზრუნველყოს მომსახურებების უწყვეტი და უსაფრთხო ფუნქციონირება, თუმცა არ იძლევა გარანტიას, რომ სერვისი ყოველთვის იქნება უწყვეტი, შეცდომებისგან თავისუფალი ან მუდმივად ხელმისაწვდომი. 18.2. კანონით დასაშვებ ფარგლებში პლატფორმა არ აგებს პასუხს არაპირდაპირ ზიანზე, დაკარგულ მოგებაზე, დაკარგულ ბიზნესშესაძლებლობაზე, მესამე პირის ქმედებით გამოწვეულ ზიანზე ან მომხმარებლებს შორის გარიგების შედეგად წარმოშობილ ზიანზე. 18.3. კონკრეტული ფასიანი მომსახურების ფარგლებში დასაშვები პასუხისმგებლობა, კანონით დაშვებულ ფარგლებში, შემოიფარგლება იმ კონკრეტული მომსახურებისთვის მომხმარებლის მიერ უშუალოდ გადახდილი თანხით, რომელმაც წარმოშვა მოთხოვნა. 18.4. პასუხისმგებლობის შეზღუდვა არ ვრცელდება შემთხვევებზე, როდესაც იგი კანონით დაუშვებელია.

19. ფორს-მაჟორი და ტექნიკური შეფერხებები

19.1. პლატფორმა არ აგებს პასუხს შეფერხებაზე, თუ იგი გამოწვეულია მის გონივრულ კონტროლს მიღმა არსებული გარემოებებით, მათ შორის ინტერნეტის, ჰოსტინგის ან მესამე პირის ინფრასტრუქტურის შეფერხებით, კიბერშეტევით, ბუნებრივი კატასტროფით, საომარი მოქმედებით ან სახელმწიფო შეზღუდვით. 19.2. პლატფორმა უფლებამოსილია ტექნიკური, უსაფრთხოების, სარემონტო ან განახლების სამუშაოების გამო დროებით შეზღუდოს კონკრეტული ფუნქცია.

20. კონფიდენციალურობა და პერსონალური მონაცემები

20.1. მომხმარებლის პერსონალური მონაცემების დამუშავება ხორციელდება MyBakuriani-ის კონფიდენციალურობის პოლიტიკის შესაბამისად. 20.2. მომხმარებელი ვალდებულია არ განათავსოს სხვა პირის პერსონალური მონაცემები შესაბამისი სამართლებრივი საფუძვლის გარეშე. 20.3. პერსონალურ მონაცემებთან დაკავშირებული მოთხოვნები შეიძლება გაიგზავნოს: [email protected] 20.4. მონაცემთა დამუშავების მიზნები, სამართლებრივი საფუძვლები, შენახვის ვადები და მომხმარებლის უფლებები განისაზღვრება MyBakuriani-ის კონფიდენციალურობის პოლიტიკით.

21. მოქმედი სამართალი და იურისდიქცია

21.1. წინამდებარე წესები რეგულირდება საქართველოს კანონმდებლობით. 21.2. დავის სასამართლო წესით გადაწყვეტის შემთხვევაში განსჯადობა განისაზღვრება საქართველოს მოქმედი საპროცესო კანონმდებლობის შესაბამისად.

22. წესების ცვლილება და დასკვნითი დებულებები

22.1. MyBakuriani უფლებამოსილია განაახლოს ან შეცვალოს წინამდებარე წესები პლატფორმის ფუნქციონირების, მომსახურებების, კანონმდებლობის ან უსაფრთხოების მოთხოვნების ცვლილების შემთხვევაში. 22.2. განახლებული წესების ვერსია გამოქვეყნდება პლატფორმაზე და კანონით გათვალისწინებულ შემთხვევებში მომხმარებელს მიეწოდება შესაბამისი შეტყობინება. 22.3. წესების ცვლილების შემდეგ პლატფორმის გაგრძელებული გამოყენება ნიშნავს განახლებული წესების გაცნობას იმ მოცულობით, რა მოცულობითაც ეს კანონით დასაშვებია. 22.4. თუ რომელიმე დებულება სასამართლოს ან უფლებამოსილი ორგანოს მიერ მიჩნეული იქნება ბათილად ან აღუსრულებლად, ეს არ იწვევს დანარჩენი დებულებების ბათილობას. 22.5. წინამდებარე წესები უნდა განიმარტოს პლატფორმის რეალურ ფუნქციონირებასთან და მომხმარებლისთვის გამოქვეყნებულ შესაბამის მომსახურების პირობებთან ერთობლიობაში. 22.6. კონკრეტულ ფასიან მომსახურებას შეიძლება ჰქონდეს დამატებითი პირობები, რომლებიც მომხმარებლისთვის ხელმისაწვდომი იქნება მომსახურების შეძენამდე ან გამოყენებამდე. 22.7. თუ კონკრეტული მომსახურების პირობები და წინამდებარე წესები ერთმანეთს ეწინააღმდეგება, კონკრეტული მომსახურების პირობები გამოიყენება მხოლოდ იმ საკითხზე, რომელსაც ისინი სპეციალურად არეგულირებს, ხოლო დანარჩენ ნაწილში მოქმედებს წინამდებარე წესები.